(السلام عليكم ورحمة الله
آن لاهي نتكلم اللا بالحسانية أ لاني امطوله ألاهي انكول مخ الاخبار اللي مهم : هذا اللي إعانو منو المواطنين حك حك ، ماه كذب ألاهو نفاق ، الاهو خداع ، اسمعت؟ نحن اهل أطار شعب ماتل يُراعَ فينا ، الحقيقة اعلنا منطقة مهمشة حت الي اقصي حد
اسمعتني؟ أمهجوره اولادنا ماهم امعانا ، بيهم التلواد اللقمة العيش كانهم امشونا هون الفظه نشرو ش نوكلوه ، اسمعتني يمشو من هوناتياها ، أولادنا ، آن هاذي أسرة أهلي ، اخوتي ماهون حد منهم ، ماساكن حد منهم امعاي في الدار ، فيها اللا آن ، اسمعتني امعاي والدتي ، أ ذ واقع لاهل اطار كاملين ، واقع الهم فر ، أ ذ الخلق لتراعي فيه اوجوهتو طاري ل أطار ، أطار مافيه حد ، أطار منطقة مهجوره ، اسمعت؟ ومقبره انكولهالك آن ، عن اطار مقبره اسمعت؟ ماعندو كدروه يمشي اعليه حد اعل كرعيه و لاعندو صرف صحي صالح ، لعاد الصرف الصحي كط اُموَل انتكل شوف افففف ابك بلو باردْ ، اسمعتني؟
حتي عنا اميها بارده نشربوها محسودانَّ ، نحن منتورنا الماء المالح يا غزي !! شنهي موجبها ؟؟ نحن ابرئيسنا !! اسمعتني ؟
نحن ذ لخليق اللي يندار اعلينا امالو مايعرفنا ش ؟ وخلي عنو ذي الكُفه اللي اتجيه وتحجب عنو الحقيقة ؟ انت الوالي ما يالتك اتخلي ذ لخليق اللي اصفك يتلكالك وكولك حقيقه ماهي حك ، اسمعتني ؟ مصابلي نبكي بي اللي متألمه !!! آن مواطنه اذ الواقع الحقيقي اسمعتني ؟
هاذ الخلق اللي اصفك الاول منو ذ الكان هون اكبيل ذ اللي اكولو ماه حك اسمعتني ؟ لا يحجبو عنك حقيقة اهل اطار،
اعلياتنا كيف الياقوت الاحمر يغير ما يُراع فيهم بيهم اشراب الماء المالح ! اجلودهم شوف ... خرص .... خرص
الرئيس مقاطعا: شوفي شوفي أسمعي ، اصنتو ، اصنتو
- آن ماني امقاطعتك
الرئيس: من فضلك الحقائق تعرفيهم ؟
- حتّ
الرئيس : ايو كوليهم انّ
اصنتْ:
- الماء بعد و كدروه، اسكتو عنا يا لبعر !!!
الماء وكدروه واندورو صرف صحي واندورو الحوت ماريناه و لا شمينالو ريحه ، اسمعت؟ يندار في ازكايب ويلتم ، ايكبظو وحدين واديرو وحدين اعليه ايحجبوه عن المواطنين اضعيفه اللي فاصله ماتراه، وابناو منو اديار وانشراو منو الوتات ! ذي الحقيق الورانيه .
الطب الدواء يندار في الصيدليات مانكدو نشرو ادو ، نحن المواطنين اضعيفين مانكدو نشرو ادو ، الطب مافيه حبه من اسبيرين انكولهالك آن !
الين انجي لاهي نداوَ الين مانر الفظه نمش نسلفها ، اياك انداوي ايشير عندي ولل اداويه امره ثانيه ، هاذي هي الحقيقه .
التعليم : المعلم ، اسمعو : الصحه كلنا مشكلتها ايو التعليم : التعليم المدارس ، اتر مدرسه فيها مدير امسيكين اطير اينزل واكري، الاقسام لخر مافيهم معلمين ، اسمعتني ؟ مدير واحد اكري واطير اينزل امسيكين الين ينكطع كلبو ، اسمعتني ؟ والمدراس ياسر منهم انكفل، انكفل افكل البوادي فاصلين افلكرايه اشمن الجهله اسمعتني ؟ والدشره قالينها ، التعليم ، العربيه هاذي اساتذتها ومعلمينها مانكبظو ، انكبظت نسبه اكليله و لا تزي ش ، اسمعتني ؟
آن هاذي عقدوية كنت انكري عاملول في الطواز هون ، اقالينهم معلمين مزالو ، كل ابليده قالينها معلمين ، اسمعتني يالسيد الرئيس ؟
مانبغي كاع انطول اعليك علي كل حال بيك اللي راي ياسر من الكرداديات ! يغير بعد ذ الحق الوراني، ودعتك الملان ، الله ينصرك اعل الحق ان شالل.)
ليست هناك تعليقات:
إرسال تعليق